祥，头先去咗边？咁耐先返嚟嘅？」

「行咗去葵芳睇人踢波。」

「吓！你由依度行去葵芳？」

陆泳祥颓然地爬上了床，道：「你地走嗰阵，帮我关门就得喇。」

柳YAn问道：「陆泳祥唔舒服啊？」

「应该系。」

看着躺在床上的陆泳祥，相信刚才杨凤瑶的话对他造成了严重的打撃，这亦难怪他的，换转是我在管佳莉面前这样出糗，我亦会像他一样。

五点正，我们开始离开陆泳祥的家，关上大门前，我向依旧颓在床上的陆泳祥投了一个同情的目光。

我们由祖尧邨步行到荔景地铁站，我问道：「Si妹钉，你去边度搭车？」

杨凤瑶瞪大了眼指着自己，道：「你叫我啊？」

「你大叔前大叔後叫我，咁我叫返你做Si妹钉好合理啧！」

「唔得喎！你唔可以叫我做Si妹钉喎！」

「ＷＨＹ？」

「因为我大过你罗，你几时出世？」

「３年６月。」

杨凤瑶呵呵笑道：「我３年１月，你唔可以再叫我做Si妹钉！」

「边个话架？Si妹钉！Si妹钉！Si妹钉！」

杨凤瑶跺脚嗔道：「喂啊！」

我笑道：「童颜有好多好处，不过有样唔好，去马会、机铺实畀人查身份证。」

「你…」杨凤瑶反唇相讥，道：「你个样咁老，过多两三年会有好多长者优惠啊！」

我哈哈一笑，道：「系就唔拘啊！」

杨凤瑶见拿我没辄，只好闷哼一声，转向柳YAn道：「学姐，你几大啊？」

柳YAn闻言，有点尴尬地答道：「二十岁喇。」

我和杨凤瑶也吃了一惊，因为正常来说，中六学生的年龄应该是十七至十八岁，廿岁才读中六，年龄又真是大了一点。

杨凤瑶道：「学姐，估唔到你大我五年。」

我道：「好出奇咩？你记唔记得中一嗰阵，有个叫朱斌仔嘅人，佢十六岁读中一添，咁计番学姐都唔系好大啧！」

杨凤瑶道：「嗯，你讲起，我又有印象喎！我记得佢运动好叻架，中一嗰年陆运会，连埋接力攞咗五面金牌。」

我冷笑一声，道：「佢叻？唔好玩啦，嗰年佢参加嘅系丙组，十六岁人同啲中一二嘅学生b赛，咁都赢唔到去切腹啦！」

1

杨凤瑶道：「系喎！朱斌仔读到中二就无读，知唔知去咗边？」

「佢咪同佢老Si汤仲谋入咗去座数字帮到做黑社会罗，上年佢仲番嘅做学校足球队助教，结果咪踢咗大半队入去座嘅数字帮罗，都唔明学校点会搵依啲人返嚟教波，咁咪捉虫罗！你４Ｃ班嘅牛辸明咪就系朱斌仔啲靓嚟罗！」

杨凤瑶没有理会我的牢SaO，她的焦点放在另一个地方，道：「汤仲谋？哦！嗰个好靓仔架，生得好似泷泽秀明架，我好锺意泷泽秀明架！」

柳YAn闻得吴林紫娣有一旧生长得非常像泷泽秀明，她也生出了兴趣，与杨凤瑶讨论了起来。

瞧到她们这样，我冷笑一声，道：「生得靓仔又点？似泷泽秀明又点喔？你知唔知佢系黑社会，搅大咗几多nV同学个肚，呃咗几多囡去跑私钟啊！」